«الحوجة وحشة وبعت دهبي علشان أفضل مستورة».. اعترافات مؤلمة لللفنانة علا رامي

حلت الفنانة علا رامي، ضيفة على برنامج "كلام الناس"، وأدلت بالعديد من التصريحات عن حياتها الشخصية والفنية، حيث قالت: "إنها لا تخاف من غدر الزمن، وأيضاً كشفت عن معاناتها المالية خلال الفترة الأخيرة".

وأضافت علا رامي، خلال حوارها مع الإعلامية ياسمين عز: " بالنسبالي الصحة والستر وراحة البال والرضا هما أهم حاجة، ولما اتزنقت كان عندي شوية دهب بعتهم قريب وقولت خلاص مش عايزة ألبس حاجة تاني، وبرضو عندي التزامات مطلوبة، فقررت أبيع الذهب ده وأحط فلوسه وديعة في البنك، والفلوس اللي بتيجي منها عايشة بيها".

بعت دهبي علشان أفضل مستورة

وتابعت: " الزنقة دي كنت متوقعاها، وده بيحصل لناس كتير، وكان لازم أبيع الحاجات عشان أفضل مستورة، والحمد لله إنه حصل بس متأخر شوية، وعمري ما كلمت مخرج أو منتج، بالعكس ده رزق من عند ربنا ومعروف إنه هيجي، ولو حصل وطلبت فأنا بطلب شغل وده لا صدقة ولا إحسان، علشان أنا مش بعرف أكون حاجة غير أني أمثل، وقبل التمثيل كنت برقص باليه".

من هي النجمة والفنانة علا رامي؟

الجدير بالذكر، إن الفنانة المصرية وراقصة الباليه علا رامي، من مواليد شهر ديسمبرعام 1959، واسمها كاملاً هو علا نهاد رامي وهي تكون شقيقة الفنانة سحر رامي وقد دخلت إلى عالم الفن طفلة صغيرة، كانت تعشق الباليه منذ طفولتها وكانت تمارسه وهي في الرابعة من عمرها، كما طلبت من معلمها أن تسافر إلى روسيا وذلك كي تستطيع الالتحاق بفرقة البولشوي، وعندما صارت شابة التحقت بالمعهد العالي للباليه ثم بدأت مرحلة احتراف الفن.