صوت وصورة - حنان ترك تعترف بجهلها وتصرح : أنا مش داعية إسلامية
حنان ترك تكشف تفاصيل جديدة عنها
تصدرت الفنانة المعتزلة حنان ترك، محركات البحث خلال الساعات الأربع والعشرون الماضية بسبب مقطع فيديو قامت بنشره على صفحتها الشخصية على موقع التواصل الاجتماعي "فيس بوك".
وكشفت حنان ترك، الكثير من التفاصيل عن حياتها الشخصية، وهل هي داعية إسلامية أو لا؟، وما الأسباب التي جعلتها تعتزل الفن.
وقالت حنان ترك، في بث مباشر على صحفتها على الفيس بوك، أنا درست علوم شرعية على سبيل النجاة لا على سبيل الدعاء، والدعوى دى موضوع كبير جدا ومحتاج علم وفقه مش أي حد يقدر يعملها، أنا فين والكلام الكبير ده فين.
وأضافت أن أى حاجة نزلت على لسانى ويقولوا حنان قالت فتوى وإن ربنا غضبان على فلان، أنا مليش علاقة خالص، أنا لا بحرم ولا بحلل ولا الكلام ده له أى علاقة بيا، وأنا مقدرش افتى في دين ربنا، وده له ناسه، ونصيحة لكل الناس، لما تحب تاخد نصيحة خدها من أهل العلم والناس المسؤولين عن الفتوى ومصرح لهم بها.
وأختتمت حنان ترك في حديثها قائلةً : أنا جاهلة جدا ومعنديش وعى سياسى أنى اعرف أقول اعملوا حاجة او متعملوش ومعنديش الثقافة اللى تخلينى أنظر سياسياً، عاوزة أشكركم واشكر أسرتى اللى وقفت جنبى وقت مرضى وكل أصدقائى اللى بيسألوا عليا ودكتور أشرف زكى كان بيكلمنى وبيطمن عليا، وبشكر الجمهور اللى بدعواته الحمد لله بقيت أحسن بكتير وكويسة جدا، ومش عارفة أشكركوا على ايه ولا ايه وسعيدة انى معاكم وانتوا وحشتونى جدا.
