ميار الببلاوي تنهار بعد مرض ابنها : بيرجع وبيتلوى وبيموت بين إيدى -شاهد
ميار الببلاوي تكشف تفاصيل مرض ابنها
كشفت الفنانة المعتزلة ميار الببلاوي، كافة التفاصيل المتعلقة بمرض أبنها قبل أيام أداء امتحان آخر المواد الدراسية في البكالوريوس.
وكتبت ميار الببلاوي، منشور مطول علي حسابها الشخصي على موقع التواصل الاجتماعي الفيس بوك لتكشف كل ما يتعلق بمرض أبنها قائلة إيه ده إيه الدنيا دى إيه الناس دى إيه الواحد عايش فى كوكب لوحده ملهوش حد ولا يفرق مع حد كلوا يالا نفسى ولو ليه مصلحة يعملك نفسه مروحة ولا ملوش متلزموش".
وأضافت ميار الببلاوي:" دى كلمه ست طيبة لقتنى ببكى فى المسجد بتاع المقابر وقالتلى دموعك غالية وفريها الجايات كتير والله استغربت كلامها وكأنها بتأهلنى للى جاى النهاردة".
وأشارت ميار الببلاوي: " ابنى من الصبح بيموت بين إيدى بيرجع وبيتلوى من المغص ودكاتره داخلة ومحاليل وحقن وأدوية وبكرة امتحانه الصبح لانه فى بكالوريوس ودى آخر مادة طبعا كده خلاص مفيش أمل إلا بمعجزة من عند ربنا لإنه رايح راس فى راس والسخونيه ٤٠ألاقى حد حقير كلمنى وبحكيله إن ابنى تعبان وبيموت من المغص وبيصرخ يطلب الطلب اللى هو عاوزه ويقفل".
واختتمت ميار الببلاوي منشورها حول مرض ابنها:" عاوزه اقول الله مايحوج حد لحد بس بعد الضنى مفيش وكده حلو أوي".
يذكر أن ميار الببلاوي ولدت في 24 ديسمبر 1972، تخرجت في كلية الآداب، وبدأت حياتها الفنية كممثلة إعلانات، ثم انتقلت إلى السينما والتليفزيون، وارتدت الحجاب.
