الفنانة بسمة تحكي تفاصيل الاعتداء عليها في الشارع

صرحت الفنانة بسمة عن تعرضها لحادثي تحرش والتي وصفت كل منهما بأنها تجارب صعبة وأنهما قد حدثا في منطقة التجمع الخامس منذ حوالي 12 عاما فقالت: «لقد تعرضت لحادثتين تحرش كبار جداً بس مبحبش أتكلم عنهم لأنهم عبارة عن وجع وألم، وأول مرة كان فيه ناس عدونا الطريق من وسط الناس لحد ما وصلنا لمكان مقفول وتاني مرة كانت الحادثة الكبيرة بقى بس ربنا ستر وخلى واحد ابن حلال هو اللي يقف لي وعرف في الآخر إنه ياخدني وحطني في عربية وجري بيا».

حادثة التحرش الثانية

وأوضحت بسمة خلال اللقاء إلي أنها قد حاولت أن تستغيث فقالت: «كنت عايزة أصوَّت بس الحادثة كانت أكبر من إني أعرف أعمل معاها أي حاجه، علشان أنا في لحظة كنت واقعة على الأرض وكان فيه أكتر من 100 رجل فوقيا وقولت أنا خلاص هموت والموضوع عدى مرحلة التحرش وحرفياً كنت هموت».

ضربته بالقلم على وشه

وتابعت: «مش بحب أقعد أفتكر كتير اللي حصل لكن اللي ربنا عطاهولي بعد كده إن فيه حد كان بيحاول يمد إيده عليا ويضربني فعرفت أمسك إيده وقتها وألطشه بالقلم على وشه، وبعدها حسيت إني فعلا عملت حاجة وكنت حاسة إني قليلة الحيلة ونفسي أي حد يساعدني وينجدني وأكتر إحساس كان بيقتلني لما عنيا كانت بتيجي في عين حد وانا بتستغيث وميعبركيش ودي كانت أقسى حاجة».