خالد عليش فضح طليقته على الهوا: مستحملتش أشوف بنتي في المكان ده

خالد عليش يرد على طليقته حول اتهامه بالبخل

خرج الإعلامي خالد عليش، عبر منشور قام بكتابته على صفحته الشخصية بموقع التواصل الإجتماعي فيس بوك، ليعلن عن الكثير من المعلومات حول أزمته مع طليقته،وعدم تمكنه من رؤية ابنته بشكل دوري.

وكانت محكمة الأسرة بمدينة 6 أكتوبر، أصدرت حكما لصالح الإعلامي خالد عليش، بإلزام مطلقته، بتمكينه من رؤية صغيرته لمدة 11 ساعة إسبوعيًا يوم الجمعة.

وخرجت ميما الشامي، طليقة خالد عليش، عقب الحكم مباشاشرة قائلةً، أنا معايا ما يثبت قانونيًا إن كل ما يُقال افتراء وكذب ونفاق، ولكن لن أدخل في هذه المناقشات والترندات مرة أخرى ومن السهل جدًا إثبات افتراء الطرف الآخر بس إلى هذه اللحظة لن أفعل ذلك.

أول رد من خالد عليش على طليقته ميما الشامي:

قال خالد عليش، الحقيقة بقف كتير أودام ناس معرفش بيفكروا إزاي، المفروض ما نرددش كلام وخلاص عشان إحنا مش بغبغانات.. إحنا ربنا إدانا عقل نفكر بيه يعني بحارب إني اشوفها بقالي سنة، وعلى حسب تصريحاتكم واعدها بالسفر يعني النية موجودة، بس أسفرها ازاي وانا مش عارف اشوفها ساعتين تلاتة، ده يوم المنى إن ماماتها توافق إني أسفرها ونسافر انا وهي لوحدنا"

وأضاف: "يتقال ده بخيل ومش عايز يدفع للبواب كم جنيه عشان يغسل عربيتها، وأنا بعيد أصلا عشان أجي احاسب البواب، وهي بتاخد آلافات فيتقال ده مقصر في المصاريف، يتقال ده مدفعش فلوس التمارين اللي انا مش عارف أشوفها ومعرفش بتروح ولا لأ، وبتروح كل الحاجات اللي بيتقالي عليها ولا لأ، وانا بدفع الافات تانية وتردد ما بيدفعش".

وأوضح:"يتقال دي جابت كب كيك اومال المبالغ اللي بتدفع في الشهر دي بتدفع ليه؟ ويتردد ده ما بيدفعش، انا عايز اقفل الموضوع وما اتكلمش فيه اكتر من كده بس بلاقي كلام مستفز اللي عايز يحل بيحل مش بيقعد يرغي انا عارض الصلح من خلال الاهل والاصدقاء والمعارف والمحامين بالمناسبة ومع ذلك بيكون الرد لأ"

وأشار:"عرضت الصلح امبارح في كومنت اتمسح واتعملي بلوك.. أنا طلبي شرعي وبسيط أشوف بنتي بشكل إنساني وأفسحها وأخرجها واسفرها وأعيش دوري كأب، مكنتش عارف اشوفها بشكل منظم فأضطريت آسفا إني ألجأ للقضاء اللي إداني رؤية ٦ ساعات في مركز شباب اتحايلت إنه ما يتنفذش واشوف البنت بالود منفعش، روحت مرتين تلاتة ومقدرتش استحمل لا انا ولا البنت"

واكد: "طيب اعمل ايه ما انا بقول الود أهو، انا مش عارف بتعاقب ليه؟؟ وعلي ايه؟، أنا أسف إني رفعت قضية لازم افضل مذلول عشان أشوف بنتي اللي هي حقي، الموضوع لا محتاج ناس تتشهر على قفايا ولا تصريحات، الموضوع يخلص في قعدة، واللي خلاني لجأت إني أكتب ده واللي قبله إني مش لاقي حل ودي ولا حد يتدخل بالرغم أن بقالي سنتين بيتقال عني كلام مش حقيقي مع إني بدفع اللي مطلوب مني وكله تمام بس مكنش هاممني أرد، وباللي بيتعمل دلوقت شوية وهابطل ارد واسيب اللي يقول يقول"

وشدد: "أخيرا مستحيل أب يلجأ للرؤية عشان يكسر والدة طفله، لأن مافيش حد بيتكسر بعد الطفل إلا الأب.. أب اكيد فشل إنه يشوف طفله وقرر يروح مكان تحت رحمة الام وكسرته تزيد وهو واقف خايف يقرب من بنته المشحونة ناحيته ومستني يشوف هتحن عليه بإيتسامة ولا لا"