بالفيديو: أحمد فلوكس يشن هجوم حاد على عمرو أديب وأحمد موسى: أخرسوا
شن الفنان أحمد فلوكس، هجوم حاد على كلا من الإعلامي عمرو أديب والإعلامي أحمد موسى، وذلك في فيديو نشره عبر صفحته الخاصة على موقع التواصل الاجتماعي فيس بوك.
وظهر أحمد فلوكس في الفيديو وهو يتحدث عن غلاء الأسعار خلال الفترة الماضية، وما حدث من ارتفاع في أسعار الدولار بعد قرارات البنك المركزي الأخيرة أمس الإثنين.
وقال فلوكس في الفيديو الذي ظهر فيه: "وأنا ببص على الأخبار فيه حاجة استفزتني جدًا، الإعلام والأستاذ أحمد موسى ممكن تخرس، اخرس لأنك مش عارف تتكلم، بدل ما تطلع تقول للناس إحنا في مرحلة صعبة بسبب حرب برا في العالم وأزمات خارجية كتير، طالع تقولهم اعملوا زيي!! أنت مين عشان نعمل زيك؟.
أحمد فلوكس يهاجم أحمد موسى وعمرو أديب
وأضاف الفنان أحمد فلوكس في الفيديو: "انت لازم تطلع توعي الناس، وتفهمهم إن الدنيا بايظة بسبب الحرب اللي برا، وفيه ضغوط كتير علينا، فلازم نقوم ونشتغل عشان نكفي نفسنا، مش تقول اعملوا زيي، ايه العبط دا!!.
كما وجه رسالة إلى الإعلامي عمرو أديب قائلا له: "انت بتعمل ايه؟ انت بتلعب صح؟ انت بتدس السم في العسل، اتقي الله وفهم الناس اللي بيحصل برا، فهموا الناس إن دي مرحلة غصب عننا، فهموا الناس إن الحرب واللي بيحصل في العالم أخرونا كتير في السنتين اللي فاتوا، ولا انتوا جايين بأجندة!!
وأشار أحمد فلوكس: "لازم الإعلام يوعي الناس إن فيه ناس مننا فينا بيستغلوا الأزمات دي، زي اللي غلوا سعر العيش الحر، وناس تانية بتستغل دا عشان عندهم أجنده خارجية.
وقال لعمرو أديب: "يا أستاذ عمرو هيا السعودية الدنيا فيها مغليتش، ولا الملايين عاملة شغل!!؟ الدنيا كلها غليت بسبب اللي بيحصل في العالم، ولكن انت بتيجي عند دول وتخرص".
